قدر ما ترك بقلبي الا الغصة
صبية زغيرة كنت لما وطني وبيتي حملتن بقلبي ومشيت برحلة الغربة
الطفلة اللي عايشي بقلب هالصبية الزغيرة كبرت تتواجه معترك حياة مش هيي اختارتو, القدر حطو بدربا

رحلة الغربة، سميتها ترحيل ،اجلاء او تهجير، والحقيقة وحدة... لاجئين

ست سنين ما كانو طوال بحساب الزمن بس مثل الدهر بحساب العمر

وبعد هالست سنين
أنا مهاجرة... لا

راجعة... نعم .... لا من اين؟
رايحا..... لوين؟
سنين يا امي وانت قوتي وامنياتي
سنين يا ابي وانت ملجئي واماني
سنين يا اختي وانت بير اسراري
سنين يا اخي وانت صديقي
بس هو نداء الحياة ودعوة الطبيعة
تركت نص قلبي كرمال ارجع للنص التاني
ببكي ولا بفرح؟
ببكي عالنص اللي تركتوا
ولا بفرح بالنص التاني اللي بكيت عليه ست سنين وهلأ رجعتلو
وكم سني بعد راح ابكي
هيدي الحياة ما بتعطي الكمال، ولكن الأنصاف... حتى بالقلوب

~~~~~~~..................~~~~~~~