to my sweet dream

,كانت الدني عتم

,ليل

الاسود مسيطر عاحياتي

ما كنت شوف
ولا كنت اسمع
ولا حس

كنت بعيد عني
بس كان قلبي معك

دايما باخدك معي بالليل

بالحلم بحس انو كلك معي
بس الليلة

كانت اجمل ليلة

نيمتك بعيوني
ومن ايديك

حسيت بسحر الدفا عم يسرقني

عم بيعوّدني عليك

خليني ضم ايديك اكثر
تا علّم ايدي كيف بكون الدفا

تمنيت لو ايدي مرقت عا شفافك
وسرقت الحزن عنن
ورسمت محلو البسمة

هلأ صرت اعرف قديش انت مهم بحياتي

يمكن ما تصير عنجد حبيبي
بس خليك وهم حروف
بيحضر ع غفلة بيلامسني
وبيروح
وبيترك عا جلدي كلمات
تالمّن
واكتب فيك اجمل قصيدي

سوسن